Seint skrifa sumir en skrifa þó aldrei.

Maður er samur við sig, alltaf jafn latur að skrifa en er ekki bara betra að halda sig við gæði umfram magn. Fyrir þá sem ekki vita er ég í námi í Keflavík, já af öllum stöðum er ég í skóla þar. Ég er í íþrótta- og kennslufræðinámi sem er reyndar kennt í gegnum Háskólann í Reykjavík en er staðsett í hinnu undurfögru Keflavík og er bara mjög gaman. Hlynur á eflaust eftir að koma með pistil um það að allir geti kennt krökkum íþróttir í skóla en ég ætla ekki út í þá sálma hér enda búinn að ræða það oftar en einu sinni við hann undir fjögur og eftir aðeins meira en fjóra.

Nú fer besti tími körfuboltaársins að ganga í garð og er ekki laust við það að mann langi að spila. Oft búið að vera erfitt að fylgjast með ofan úr stúku en staðreyndin er bara sú að löngunin til að spila með öðru félagi en Snæfell er ekki til staðar eins og er. Reyndar er blessuð hásinin ónýt að ég held en ef ég væri í Hólminum þá myndi ég sennilega láta mig hafa það, a.m.k. reyna.

Annars verður úrslitakeppnin mögnuð og er langt síðan að svo mörg lið áttu raunverulegan séns á titlinum. Njarðvíkingar hafa verið hrikalegir og verða þeir að teljast ansi líklegir. KR, Snæfell og Skallagrímur koma öll þar rétt á eftir. Hinsvegar tel ég að allar viðureignir í fyrstu umferð verði jafnar að utanskildri Njarðvík-Hamar.

KR-ÍR: ÍR-ingar hafa verið á svaka siglingu með Nate í fararbroddi og eiga þeir góðan möguleika á að slá KR út (ég veit að Hlynur er mér ósammála). Ég sá leik þessara liða í deildinni um daginn og voru ÍR klaufar að vinna ekki þann leik á útivelli og því tel ég að þeir geti unnið KR. Samt ætla ég að spá KR sigri 2-1, einfaldlega sterkari undir körfunni og svo er Patterson búinn að vera frábær. Þó svo að KR hafi meiri breidd þá tel ég að hún muni ekki ráða úrslitum, ekki svo snemma í úrslitakeppninni.

Skallagrímur-Grindavík: Þeir grænu eiga nú að hafa þetta af en gengi liðanna í deildinni undir lok móts var nokkuð forvitnilegt. Skallar tapa mikilvægum leikjum og Grindavík að vinna leiki sem maður átti ekki von á að þeir myndu gera. Kannski að Clemmons blessaður hafi verið krabbameinið í liðinu sem er ekki svo ólíklegt miðað við hans fyrri störf. Hann skilur hins vegar eftir sig mikið pláss í teignum og sé ég ekki hvernig Grindavík ætli sér langt í keppninni án centers. Skallagrímur verða hinsvegar að nýta sér það og var ótrúlegt að sjá þá t.d. í Hólminum um daginn, tóku endalaust af 3ja stiga skotum á meðan Flake var að skila sínu vel inni í teig. Staðreyndin er hinsvegar þessi-Skallar með heimavallarrétt, Grindavík spilar slaka vörn, Skallar unnið tvisvar í Gri. í vetur og hafa reynslu frá því í fyrra. 2-0 fyrir Skallagrím.

Snæfell-Keflavík: Fyrsti leikurinn verður lykilleikur fyrir Snæfell, þeir einfaldlega mega ekki misstíga sig eins og gegn KR fyrir tveimur árum því þá er ég hræddur um að Keflavík tapi ekki á heimavelli á laugardaginn. Margir halda að Keflavík eigi ekki séns en gleymum því ekki að keflavík kunna að vinna og koma til með að spila eins fast og dómararnir leyfa. Ég sá leik liðanna í Keflavík fyrir viku síðan og voru Snæfell í mesta basli, vörnin var ekki eins traust og fyrr í vetur og Keflavík voru mjög dirty (eins og þeir verða í úrslitakeppninni). Snæfell vann þó leikinn með frábærri vörn í lokinn og væri gaman að sjá þá spila svoleiðis vörn meirihlutann af leiknum á morgun og efast ég ekki um að þeir muni gera það. Staðreyndin er sú að Snæfell er mikið betra lið, betri leikmenn og sýnir staða liðanna í deildinni það. Ég spá því að vörnin verði frábær í þessum leikjum og ætla ég að gerast svo djarfur að spá 2-0 fyrir Sneez. Kanamálin í rugli hjá Keflavík og tel ég best fyrir þá að spila kanalausir í þessum leikjum, nýr leikmaður kemur ekki til með að gera kraftaverk á fáeinum dögum.

Jæja, nóg í bili. Við sjáum til hvort ég þurfi að éta þessar spár ofan í mig en ég vona ekki. Draumurinn er Snæfell-Skallagrímur í úrslitum, lifi Vesturlandið. Aldrei að vita nema að skítasaga pt.2 komi á næstunni.

Take it eazy.

Vaffarinn.  ¶ 9:27 f.h.

 

Síðan eru það fréttir af honum Idda.

í síðasta pistli var ég með þær fréttir að hann sé bara að meika það sem trymbill og nú er hann bara kominn út á hljóðrænum gæðum og læti. Kominn í eitthvað megaband og fór í stúdíó um síðustu helgi og trommaði víst vel. Hérna er mynd af kappanum við sýningar á leikritinu ''Almost Famuos''.

Jæja ég verð að fara að koma mér í nesið. Búin að læra nógu mikið í dag.

Sjáumst á Hróaskeldu

  ¶ 4:10 e.h.

  jæja...

Leikur við Kef í gær og náðum við loksins að vinna þar, ágætt að vera búinn að því, ágætis leikur sem skipti kannski ekki öllu máli, KEF eða Grind í úrslitunum. En Kef var það og verður það bara gaman, hef ekki séð þennan Kana hjá þeim en skilst að hann sé skotglaður með eindæmum, vonandi hittir hann ekki of vel á móti okkur.

Deildin búin að vera ágæt hjá okkur svo sem, töpuðum nokkrum close leikjum sem kostuðu okkur 2.sætið en það geta væntanlega öll lið sagt það sama, dettur ekki alltaf þín megin.
Njarðvík verðskuldaðir meistarar, hafa verið bestir í vetur og eru líklegir til frekari afreka, Fjölnir rétt slapp og er það mjög gott mál, betra að hafa þá uppi en Þór Þ með fullri virðingu fyrir þeim.

Playoffs verður svona og ég spái liðunum með heimavöllinn áfram

Njarðvík-Hamar, Njarðvík tekur þetta örugglega í 2 leikjum, kannski smá basl í Hveragerði.

KR-ÍR, KR í 2 leikjum

Snæfell KEF, spái okkur að sjálfsögðu áfram

Borgarnes-Grindavík, Grindavík ákaflega fáliðaðir í teignum og mun Flake sjá um þetta mál. 2-1

Fékk í póstinum atkvæðaseðla fyrir lokahófið og ljóstra hér upp mínum atkvæðum, ekki alveg búinn að gera upp við mig með útlendingana og dómara

5 manna liðið
Frikki Stef,Fannar Ólafs,Maggi Gunn, Brenton B,Páll Axel
Besti Leikmaður, Brenton líklega bara
Erlendur: Jovan Zdravevski, Darrell Flake
Pungur: Hörður í Fjölni
Varnarmaður:Frikki Stef
Dómari:Kiddi eða Simmi

Lítið að frétta svo sem, næ ykkur á hinni hliðinni.
Hlynur B  ¶ 3:13 e.h.