Ja góðan og blessaðan dag. Haffi hérna á kantinum með fullan kjaft af Heaven. Þetta helvítis dj..sins lag fór heldur gott út úr þessari Júróvízíon keppni. Menn voru að spá einhverju rosalegu sæti en maður var raunsær og sagði að einhverjir hriðjuverkamenn mundu nú taka Jónsa gíslingu en það varð ekkert úr því svo hann endaði bara í 19.sæti. Skemmtilegir taktar hjá fíflinu á sviðinu þegar hann datt aftur á bak með rosa skell en náði því miður að láta lappirnar undir sig og náði að redda sér. Það hefði staðið uppúr hefði hann nú dottið og fólk sem væri í Danmörku mundu segja:Je Jónsi var nu mikel klaufee og han dattt nu nærruþvi og jeg kýs han nú je hvad sege du Bjarne Nielsen in da clup med Blink 182:Dont waste your time on me your alredy the voice in side my head!!!!

Eins og á flestum öðrum bóndabýlum hér á Íslandi var Party,svokallað JúrovízíonParty hér í Nesinu og maður horfði á þennan fjanda í 14'tommu sjónvarpi með engum lit en mér var alveg sama,ég beið bara eftir að útsendingu væri hætt og Gísli Marteinn væri drepinn og þessi kjálkastóri bjáni væri tekin fastur. Hvernig væri nú að senda Botnleðju í þessa keppni enda voru þarna hljómsveit frá Tyrklandi sem var svona Blink/Carrdigans/Deep Purplelegir.

FM-hnakkarnir voru frekar daufir eftir helgina en þeir eru allir miklir aðdáendur Jónsa,Þröstur-3000,Siffi 1200,Kalli Lús og allir þessir kappar sem eru annars svo skemmtilega hressir kl:06:59 en þá er kallinn kominn í vinnuna og er myglaður með eindæmum og skemmtilegur til umræðu en síðan lætur maður headfonninn á sig og kemst í verra skap heldur en maður var í.

Jæja kallinn er að fara á Dúndurfréttir á Fimmtudag og hlakka mikið til svo ég má ekki vera að þessu kjaftæði svo ég bið að heilsa............

McGunner  ¶ 5:27 e.h.

  Je upsæd turnaránd pikabeterdei. McGunnerinn mættur í hús sveittur, spenntur,tilhlökunarlegur fyrir morgundaginn þegar hriðjuverkamenn ráðast inn í þessa höll í Tyrklandi þar sem Júróvízíon er haldið og halda honum Jónsa okkar gíslingu.....En börn mín góð verið ekki skelkuð því við erum með Magnús Ver Magnússon sem er sterkasti maður heims 1989-9? og hann verður bara að fara og ná í hann Jónsa okkar!!!!!!

En það er heldur betur búið að vera brjálað að gera:KRAZÍ in the Cabin..... Við félagarnir fórum upp í Skorradal síðustu helgi og héldum þar upp á afmæli og var þar mikið Cabin Fever... við fórum í göngur,fengum okkur samlokur niður á strönd og veiddum einn 20punda lax í vatninnu...já þessi helgi var heldur betur mögnuð í meira lagi....hahahaha. Síminn minn er eitthvað að veikjast um þessar mundir en hann fékk þessa pest sem er búin að vera ganga en ekki vera skelkjuð því kallinn er að fara að versla þennan líka rosa síma....hann er eitthvað7827 en minn fyrri sími var 3110 svo maður verður að kaupa sér nýjan til að halda sér í tísku.Einnig eru takarnir flestir hættir að virka!!!!

Síðan eru æfingar byrjaðar hjá Mýgrút og við fórum á leik hjá Liverpool Reserves og Southampton Reseerseve um síðustu helgi en þar voru útsendarar Mýgrúts að spá í John Welsh og Jon Otsemebor en Mýgrútur vantar menn, varnarmenn sem eru í formi því Ari Gunn kom á æfingu og hann var ......Mýgrútur á að spila við hið margrómaða lið Kjartans sem fagnar 10ára afmæli sínu á þessu ári og verður þessi leikur sýndur beint á Sýn og á Omega. Flugeldasýning verður og bílasýning en síðast þegar 5ára afmælið var þá tók Eiður Sigurðsson þetta að sér enda er hann jú Forsetinn af Kjartanni og hann skaut einum kínverja yfir völlinn og sýndi Lödu Sportinn sem Siggi Eiðs var nýbúinn að versla sér.....
Gauji Fjelsted er kominn í hópinn og einnig Spánverjinn fljúgandi með bláa bindið og rauðu sokkana,Viktor Rodriqez en hann var að spila með Alicante á síðustu leiktíð við slæman orðstír. Pálmi Sæ og Tóti ljóti verða í Reykjarvíkinni svo þeir mæta bara í leiki og einnig er Ingólfur Hólmar genginn í litla liðið í bænum,Skallagrím. Ingólfur Haukur hins vegar er meiddur á hálsi,nára,læri,geirvörtu,eyrnarsneplum og hné en þetta skeði allt saman þegar hann var að horfa á Survivor á mánudaginn en það var æfing á þeim tíma en Ingólfur lét það nú ekki aftra sér heldur meiddi sig yfir sjónvarpinu.

Liverpool menn þeir eru heldur betur komnir í fluggírinn maður.3í röð og ef þeir vinna næsta leik þá bæta þeir met Kolbrúnu Ír um 2 hundruðustu úr sekúndu.

Síðan er það sundið. Einhver gaur var að keppa þarna úti í Uzbekistaníu og var í 22sæti af 24 en viti menn..sló íslandsmetið um einhverjar 2sekúndur.

Siggi Maze og hans félagar í N.E.R.D eru að gera það gott og gaman að sjá Sigurð skrifa svona mikið og gaman að heyra að það sé allt brjálað að gera hjá pilti. Stelpur að senda einhver skilaboð í síman hans og hann er alltaf í hafnabolta við Einar Marteinn. Hlynur B a.k.a Fjölnir a.k.a Séð og heyrt drengur ársins er að fá tilboð frá öllum blöðum,Mannlíf,Hús og Hýbíli,Vikan og enska blaðsins ''Hello''. V-ið a.k.a V-arinn a.k.a V-junior er heldur betur að gera það gott þarna á Korblunni maður lifandi maður. Er að stjórna traffíkinni eins og besti Umferðarlögreglumaður:''Passaðu Samlokuna''.


Jæja Haffi Gunn kveður hér úr Höfuðborg vestursins og segir:Westsæde in the club full of bug sí mi in da dub!!!!!!  ¶ 9:10 e.h.

  Jæja gott fólk

Eftir símhringingar og Sms frá NegraNema aðdáendum víðsvegar um landið hefur maður ákveðið að stimpla sig inn á ný, reyndar var þetta bara einn aðdáandi en það er Nonni Mæju eða "Mæjan" eins og hann er kallaður, en hann er orðinn langþreyttur eftir pistli enda er ekki endalaus verkefni á ganginum hjá Magga Helga.

Já þeir eru frekar daprir hinir ritstjórarnir, Siggi er goner fyrir löngu og verður brátt sagt upp störfum, HaffiMcMachiaveli er týndur í einhverjum naglakassanum í Borgarnes City en hann er væntanlega líka einhvað að hrella kellingarnar ef maður þekkir hann svo hann er löglega afsakaður en það er Vaffarinn,V-6, Leðrið, Ökumaðurinn eða bara Lýður hann er hvergi sjáanlegur enda er hann gríðarlega stoltur af sínu starfi en hann er á traktor að slá einhvern golfvöll hjá Gústa Petrínu a.k.a. Freddie Mercury. Er ég einn um að finnast það vafasamt að maður eins og V, sem er með vægast sagt dapran akstursferil að baki sé að vinna á einhvers konar farartæki? Komum örugglega til með að heyra harmsögu af einhverjum golfaranum sem varð undir traktornum...

Annars er allt það besta að frétta, maður er að vinna í Skipavík, það er fínt en það sem verra er að þetta er versta útvarpsvika sögunnar, já gott fólk sem maður sem get ekki hlustað á eiturhressa FM hnakka í blyndbyl í Vestmannaeyjum sem hlæja að sjálfum sér þarf maður að leita annað, Rás 2 stendur sig yfirleitt fínt sérstaklega eftir hádegi með Óla Palla í broddi fylkingar en núna eru bara spiluð Júróvisjón lög, íslenska lagið er ömurlegt en maður skilur samt að það sé spilað enda horfa allir á þetta í vafasömu ástandi á laugardagskvöldið kemur, Ok Jónsi er tík en af hverju þurfa þau að spila lög frá Möltu, Albaníu, Rúmeníu og einhverjum svona löndum allan daginn, þessi lög eru skelfileg, skipti yfir á FM en þar var versti útvarpsmaður norðurlanda að störfum en það er hann Einar Ágúst en hann er einmitt í bandinu hans Lýðs.. Þeir sem fíla hann réttið upp hönd og skammist ykkar...
Já upp með höndina Lýður!!!

Þó maður drulli yfir þessa keppni þá hafa flestir, sama hversu léleg lögin eru alltaf gaman að stigagjöfinni og ég er þar á meðal, en það er örugglega frekar partýin og félagskapurinn sem fólk er í sem heillar..

Helgi Magg var einhvað að kalla á mann á æfingu, það styttist nú í það að maður fari og sýni honum hvernig á að nota rassinn almennilega en botninn er eitt allra besta farartæki í körfubolta, setja hann út og bakka... Klikkar ekki..
Er byrjaður að lyfta aftur svo maður fer að láta sjá sig Helgi minn, ekki detta samt fram úr stólnum þínum af spenningi... ætla rétt að vona að Helgi sé ekki búinn að láta klippa sig en það er hann sem lofsamar lubbann hvað mest..

Samt er nú ekki bara gaman að æfa með landsliðinu, langt í frá jújú það er mjög fínt þegar maður er kominn á staðinn sem er Keflavík, þó stundum Seljaskóli skilst mér en þetta er 6 tíma keyrsla á hverjum degi sem væri líka allt í lagi ef að KKÍ myndi koma meira til móts við leikmenn sem koma langt að, ég er ekkert heimskur og veit að við erum bara 2 utan stórreykjavíkursvæðisins og ekki hægt að haga prógrammi eftir okkur og það verður alltaf basl fyrir menn utan að landi að vera með.
Núna er mjög flott prógramm í gangi fjölmargar æfingar 5 sinnum í viku yfirleitt þó með einhverjum forföllum skildist mér á þjálfaranum.
Til þess að menn utan að landi geti tekið þátt verður að koma til góð hjálp frá KKI, ég veit að þar örugglega ekki allt morandi í peningum en einhvað hlýtur að vera hægt því að þó að menn séu allir af vilja gerðir þá er ansi hart að borga mjög stórar fjárhæðir til að taka þátt í A-landsliðil...

Ég veit að þetta var hundleiðinlegt væl og nöldur en svona er ástin eins og Foli Jóns sagði um árið... Maður verður stundum að pirra sig á hlutunum..

Ekki tapa gleðinni

LennyB   ¶ 9:34 e.h.

  Jæja gott fólk

Maður hefur verið fjarverandi undanfarna daga en nú kemur maður með comebackið fræga,
Maður er nefnilega byrjaður að vinna, djöfuls álag á manni í Skipavík en það fer bara ágætlega af stað fyrir utan það að vera að vinna með 2 mestu hnökkum Íslands þeim bræðrum Bjarne og Gulle Nielsen eða Olsen Olsen eins og þeir eru kallaðir í daglegu máli, þeir eru í þvílíkt mergjaðri stemmningu með á FM allan daginn og stundum heyrir maður í Gulla "It makes me feel blue, the color of you" eða einhvað svoleiðis.
Já það er hátíð hjá þeim enda er þeirra maður að fara að keppa í júróvísjón, en það er ekki friður fyrir þessu helvítis fífli honum eða henni Jónsa en hann tæpur á kyni, svokallaður half and half. Maður er með á Rás2 en það er það eina sem næst fyrir utan FM og Bylgjuna og hann er reglulega að syngja þarna.

Ég hef fyrir löngu ákveðið að halda ekki með Íslandi í Eurovision útaf honum, þetta er svona svipað eins og ég hef ekki keypt Freyju Draum síðan að hann byrjaði að auglýsa hann. Nei bara pirringur...

Hrökkbrauðið ég meiddist í 100 skipti á ferlinum á föstudaginn í Njarðvík á landsliðsæfingu sem er fínt því mér skilst að maður fái afslátt af brauði frá Myllunni og fría ferð á reykjalund í 100.skipti en þetta er helvíti pirrandi en sem betur fer er þetta ekkert of alvarlegt, snúinn ökkli og ég vonast til þess að fara á æfingu á föstudaginn, ein vika í bolta á þessum árstíma er svo sem ekkert stórmál en það var verra með lyftingarnar því ég verð núna óhjákvæmilega á eftir í prógramminu en það reddast.

Var að lesa það á spjallinu að ég væri á leiðinni til Keflavíkur, Jú þetta er hárrétt, ég ætla að fara til Keflavíkur á mánudaginn á æfingu.
Ég er mjög spenntur fyrir því að fá tækifæri til að spila í Keflavík og vona að ég verði fljótur að aðlagast því það er eins gott því ég þarf að mæta í vinnuna í Hólminum á þriðjudagsmorgun.
Ég gerði eins dags samning við Keflavík uppá pulsu og kók og fæ úthlutað treyju númer 8 í virðingarskyni við frænda minn í Keflavík, Albert Óskarsson.

Eins og V hefur verið að segja erum við uggandi yfir fjölmiðlafrumvarpinu, þetta er gert því við höfðum ákveðið að nota tekjurnar af auglýsingum af Negranum til að kaupa KBbanka og Baug og Dagblöðin en ríkisstjórnin vildi ekki samþykkja það og vill setja lög um að markaðsráðandi aðilar á fjölmiðlamarkaði (Negrinemi) eigi meira en 25% hlut í öðrum fjölmiðlafyrirtækjum, við ætlum að reyna að fremja valdarán hér á landi og stjórna batteríinu sjálfir, pant vera forsætisráðherra, Siggi verður Samgönguráðherra og mun hans fyrsta verk vera það að skylda alla menn til að eiga gröfur, Haffi McGoner verður utanríkisráðherra vegna tengsla sinna við Írlands og LýðurV verður vinnumálaráðherra og ef maður þekkir hann rétt verður hans fyrst verka að minnka vinnuvikuna í 2.daga,2 tíma Kaffitíma og aðeins unnið frá 1 til 5.

Smári Tarfur er maðurinn, hann er að koma með þær unaðslegu fréttir að Guðfaðirinn Eddie Vedder og félagar í Pearl Jam séu hugsanlega á leiðinni, já eins gott þeir byrja ekki að selja miða strax því þá þyrfti ég að sofa fyrir utan skífuna í rúmlega ár..

Vill minna á að Negrinemi stendur fyrir mótmælum á fjölmiðlafrumvarpinu á morgun, við verðum fyrir utan Bensó klukkan 3 á morgun, landsfrægir skemmtikraftar verða en heyrst hefur að Susie Q með Fola Jóns verði þarna að skemmta fólki í 2 tíma en til þess að losna við mannfjöldann höfum ákveðið að fá Helga Reyni til að syngja í lokin en þegar heyrist í honum ættu flestir að hafa vit á því að láta sig hverfa.

Ekki tapa gleðinni

LennyB  ¶ 9:28 e.h.

  Sumarið komið og það snjóaði í höfuðborginni í dag, týpískt. Reyndar voru þetta bara nokkur korn og ekkert miðað við það sem er á norðurlandi þar sem allt er víst á kafi í snjó.

Enn verð ég að lýsa yfir áhyggjum mínum yfir félögum mínum hérna á negranum. Ég hef reyndar ekki verið sá duglegasti að skrifa lately en þeir eru alveg goner. Það er reyndar ekki mikið að skrifa um þessa dagana og svo er auðvitað óljóst með framtíð okkar þangað til að ljóst er hvort fjölmiðlafrumvarpið gangi í gegn fyrir þinglok.

Fór til doksa í gær og það er sama gamla sagan. Það á að reyna að láta e-n sjúkraþjálfara hamast á löppinni á mér og gera hana betri. Það væri nær að láta e-n hund hamast á löppinni á mér, ég held það myndi virka betur. Reyndar fer ég bara í sjúkraþjálfun í nokkrar vikur og ef ekkert skánar þá er það bara hnífurinn eða sprauta. Á ég að sprauta honum? Ég útskýrði fyrir lækninum hverskonar umönnun ég er búinn að fá hjá honum Lasse, þýska sjúkraþjálfaranum okkar, og kom í ljós að ég er búinn að fá kolvitlausa meðhöndlun í vetur. Reyndar er hann búinn að höndla mig rétt en æfingarnar sem ég hef verið að gera hjá honum gera bara illt verra og var ég alveg sáttur að heyra það eða hitt og heldur.

Frést hefur að Gissur ætli að bjóða í alla byrjunarliðsmenn hinna liðanna í úrvalsdeildinni og gera Snæfell um leið að stórveldi í körfuboltanum á Íslandi og jafnvel um alla Evrópu. Stefnan er að hafa 50 manna æfingahóp og í framtíðinni mun Snæfell hafa A,B,C,D og E lið í úrvalsdeildinni. Stefnt er að þeir menn sem eru í námi muni stunda fjarnám í Egilshúsi þar sem að við á negranum fórum á kostum í fjarnáminu í vetur og slóum hvert internetleikjametið á eftir öðru. Restin af leikmönnunum mun stunda sína vinnu á Bensó, videóleigunni eða ganga í hús og selja tryggingar fyrir Sjóvá.

Jæja, alveg búinn á því enda klukkan að verða tíu og best að koma sér í háttinn og gera sig klárann fyrir enn eitt þrældóms verkefnið hjá Gústa á vellinum.

Catch you on the flipside.

Va-va-va-va-Vaffarinn.  ¶ 10:03 e.h.